(ភ្នំពេញ)៖ ទោះបីជាពេលនេះ កំពូលតារាចចម្រៀងលំដាប់ប្រទេស ឱក សុគន្ធកញ្ញា មានគ្រួសារ និងថែមទាំង ទើបតែសម្រាលកូន កាលពីប៉ុន្មានខែមុននេះមែន ប៉ុន្តែ​យើងឃើញថា តារាស្រីរូបនេះ ហាក់មានការថែទាំសម្ផស្សបាន នៅតែស្រស់សោភា មិនឲ្យចាញ់ក្រមុំៗឡើយ។ ដោយក្នុងរយៈពេល មួយរយៈចុងក្រោយនេះ បន្ទាប់

ពីសម្រាលកូនរួច រឹងដៃរឹងជើងមក អ្នកនាងក៏បាន វិលត្រឡប់មកច្រៀងវិញដូចធម្មតា ហើយអ្វីដែលពិសេស គឺការវិលត្រឡប់របស់កំពូលតារាចម្រៀងរូបនេះ គឺនៅតែមានឥទ្ធិពលនៃការគាំទ្រច្រើនដដែល តាមរយៈសកម្មភាពផ្អែមល្ហែមជាមួយគ្រួសារ ព្រមទាំង ការតុបតែងខ្លួន និងការលេងម៉ូតសម្លៀកបំពាក់របស់នាង

នៅតែស្រស់ស្អាត ប្លែកៗពីមុនច្រើន។ ជាក់ស្ដែង កាលពីប៉ុន្មានម៉ោងមុននេះ អ្នកម៉ាក់សម័យថ្មីរូបនេះ បានបញ្ចេញសម្រស់នៅក្នុងការផាត់មុខ បែបថ្មីមួយបែបទៀត ដែលមិនធ្លាប់បានឃើញពីមុនមកនោះទេ។ ដែលតាមរយៈរូបថតប៉ុន្មានសន្លឹកដែលបង្ហោះដោយអ្នកផាត់មុខជូនតារារូបនេះ បានបង្ហាញថា មិនថាតែការផាត់

មុខ ការរៀបចំខ្លួន ទម្រង់មុខ មើលទៅគឺសាកសមស្រស់ស្អាត និងទាក់ទាញខ្សែភ្នែកអ្នកគាំទ្រខ្លាំង អ្នកណាឃើញហើយក៏សរសើរមិនដាច់ពីមាត់ដែរ បើទោះបីនាងមានកូន​មួយហើយមែន តែនៅតែថែរាង បានយ៉ាងខ្ញង់សាកសមនឹងឈ្មោះជាកំពូលតារាមែន៕ ប្រភព៖ ហ្វេសប៊ុក

ដើម្បីកាន់តែជ្រាបច្បាស៉ សូមទស្សនារូបភាពដូចខាងក្រោម៖